باتىس قازاقستان وبلىسىنىڭ مامانداندىرىلعان اۋدانارالىق سوتىندا سەرٸكجان ەدٸلوۆكە قاتىستى ٷكٸم شىعاردى, دەپ حابارلايدى Sputnik جەرگٸلٸكتٸ موي گورود پورتالىنا سٸلتەمە جاساپ.
58 جاستاعى قىلمىسكەر "عيمارات" جشس-دا كٷزەتشٸ بولىپ قىزمەت ەتٸپتٸ. 3 ناۋرىز كٷنٸ كەشكٸ 20:00-دە ەرٸپتەسٸ مارات چەرنييازوۆپەن ٸشٸمدٸك ٸشكەن. ەكەۋٸ سٶزگە كەلٸپ قالىپ, چەرنييازوۆ ەدٸلوۆكە سوققى جاساعان. ول دا جاۋاپ بەردٸ. سوققىنىڭ قاتتى بولعانى سونشالىق, چەرنييازوۆ ەسٸنەن تانىپ قالعان. ال ەدٸلوۆ بولسا, ەرٸپتەسٸن ۇرۋىن توقتاتپاعان.
ەدٸلوۆ چەرنييازوۆتىڭ باس سٷيەگٸن سىندىرىپ جٸبەرگەن. مەيٸتتٸ كەرەۋەتتٸڭ استىنا تىعىپ قويىپ, 27 كٷن بويى ٶزٸ دە سول بٶلمەدە تۇرعان. ادامنىڭ دەنەسٸن جٷرگٸزۋشٸلەردٸڭ بٸرٸ تاۋىپ الىپتى.
تەرگەۋ كەزٸندە قايتىس بولعان چەرنييازوۆتىڭ ەدٸلوۆتٸ قايعىلى وقيعاعا دەيٸن بٸرنەشە مەرتە سوققىعا جىققانى انىقتالدى. ەكەۋٸ دە وتباسىنان كەتٸپ, جۇمىس ورنىندا تۇرعان.
سوت ەدٸلوۆتٸ قر قىلمىستىق كودەكسٸنٸڭ 99-بابى (ادام ٶلتٸرۋ) بويىنشا كٸنەلٸ دەپ تانىدى. قىلمىسكەر ون جىلعا دەيٸن باس بوستاندىعىنان ايىرىلدى.
سوت ٷكٸمٸ زاڭدى كٷشٸنە ەنگەن جوق.
