Ishki ister ministrliginiń ózindik qaýipsizdik departamenti ótkizgen jedel is-shara barysynda Oral qalasy politsiia basqarmasy bastyǵynyń orynbasary para alý kezinde ustaldy, dep habarlaidy Polisia.kz saity.
Qazir atalǵan fakti boiynsha Qylmystyq kodekstiń 366-baby (para alý) boiynsha sotqa deiingi tergeý júrgizilip jatyr.
Kúdikti ýaqytsha ustaý izoliatoryna qamaldy.
"IIM laýazymy men ataǵyna qaramastan, politseiler tarapynan jasalǵan paraqorlyq pen azamattardyń quqyǵyn buzý faktilerin joiýdy odan ári jalǵastyrady. Dál osyndai qyzmetkerler Qazaqstan halqyna adal qyzmet etetin politseilerdiń atyna kir keltirýde. Olardy anyqtaý jalǵasyp jatyr", - dedi ózindik qaýipsizdik departamentiniń bastyǵy Arman Sadanov.
