ٸشكٸ ٸستەر مينيسترلٸگٸنٸڭ ٶزٸندٸك قاۋٸپسٸزدٸك دەپارتامەنتٸ ٶتكٸزگەن جەدەل ٸس-شارا بارىسىندا ورال قالاسى پوليتسييا باسقارماسى باستىعىنىڭ ورىنباسارى پارا الۋ كەزٸندە ۇستالدى, دەپ حابارلايدى Polisia.kz سايتى.
قازٸر اتالعان فاكتٸ بويىنشا قىلمىستىق كودەكستٸڭ 366-بابى (پارا الۋ) بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
كٷدٸكتٸ ۋاقىتشا ۇستاۋ يزولياتورىنا قامالدى.
"ٸٸم لاۋازىمى مەن اتاعىنا قاراماستان, پوليتسەيلەر تاراپىنان جاسالعان پاراقورلىق پەن ازاماتتاردىڭ قۇقىعىن بۇزۋ فاكتٸلەرٸن جويۋدى ودان ەرٸ جالعاستىرادى. دەل وسىنداي قىزمەتكەرلەر قازاقستان حالقىنا ادال قىزمەت ەتەتٸن پوليتسەيلەردٸڭ اتىنا كٸر كەلتٸرۋدە. ولاردى انىقتاۋ جالعاسىپ جاتىر", - دەدٸ ٶزٸندٸك قاۋٸپسٸزدٸك دەپارتامەنتٸنٸڭ باستىعى ارمان سادانوۆ.
