Oral qalasynyń ákimi bolyp Mirjan Satqanov taǵaiyndaldy, - dep habarlaidy "Ult aqparat" qala ákimdiginiń baspasóz qyzmetine silteme jasap.
"Prezident Ákimshiligi jáne qalalyq máslihatpen kelise otyryp, meritokratiia qaǵidattaryna sáikes Satqanov Mirjan Munaidaruly Oral qalasynyń ákimi qyzmetine taǵaiyndaldy", - delingen habarlamada.
Mirjan Satqanov 1977 jyly Batys Qazaqstan oblysynda dúniege kelgen. Bilimi joǵary, Túrkiia Respýblikasynyń Dokýz Eiliýl ýniversitetin qarjyger mamandyǵy boiynsha bitirgen. Eńbek jolyn 2000 jyly Oral qalalyq qarjy bóliminiń jetekshi mamany bolyp bastaǵan.
