Oral qalasy mańyndaǵy turmystyq qaldyqtar poligony úsh kúnnen beri janyp jatyr, dep habarlaidy QazAqparat tilshisi.
Zachagan kenti mańyndaǵy poligondaǵy qoqys 18 maýsym kúni bastap jandy. Aldyńǵy kúnderi osy kentti basqan kók tútin búgin Oral qalasynyń ortalyǵyna da jetti.
Ásirese, kók tútinniń zardabyn tartyp otyrǵan Zachagan kenti turǵyndary kúndiz de, túnde de syrtqa shyǵyp, demalýdyń múmkin emestigin aitady.
BQO TJ departamentiniń baspasóz qyzmeti poligonnyń janyp jatqandyǵyn rastady.
Ótken jyldan beri turmystyq qaldyqtar poligony «ICM Recaicling» JShS-na senimgerlik basqarýǵa berilgen. Jeke mekemede órtti sóndiretindei tehnikalary joq.
Keshe keshkisin poligonda bolǵan kezde munda bir ǵana órt sóndiretin kólik turdy. Onda otyrǵan órt sóndirýshiler jaz bastalǵaly osynda ekendikterin, alaida byqsyp janyp jatqan qoqysty sóndirýge shamalary jetpeitinin jetkizdi.
«Qazirgi kezde poligonda on tehnika (ekskavator, júk tiegish jáne basqa kólikter) jumys jasaýda. Olar órtti sóndirýmen birge qoqysty kómip jatyr», dedi «QazAqparat» tilshisine Oral qalalyq turǵyn úi-kommýnaldyq sharýashylyǵy jáne turǵyn úi inspektsiiasy bóliminiń basshysy Mirjan Nurtaziev.
Aita keteiik, poligondaǵy mundai jaǵdai jyl saiyn qaitalanyp keledi.
