ورال قالاسى ماڭىنداعى تۇرمىستىق قالدىقتار پوليگونى ٷش كٷننەن بەرٸ جانىپ جاتىر, دەپ حابارلايدى قازاقپارات تٸلشٸسٸ.
زاچاگان كەنتٸ ماڭىنداعى پوليگونداعى قوقىس 18 ماۋسىم كٷنٸ باستاپ جاندى. الدىڭعى كٷندەرٸ وسى كەنتتٸ باسقان كٶك تٷتٸن بٷگٸن ورال قالاسىنىڭ ورتالىعىنا دا جەتتٸ.
ەسٸرەسە, كٶك تٷتٸننٸڭ زاردابىن تارتىپ وتىرعان زاچاگان كەنتٸ تۇرعىندارى كٷندٸز دە, تٷندە دە سىرتقا شىعىپ, دەمالۋدىڭ مٷمكٸن ەمەستٸگٸن ايتادى.
بقو تج دەپارتامەنتٸنٸڭ باسپاسٶز قىزمەتٸ پوليگوننىڭ جانىپ جاتقاندىعىن راستادى.
ٶتكەن جىلدان بەرٸ تۇرمىستىق قالدىقتار پوليگونى «ICM Recaicling» جشس-نا سەنٸمگەرلٸك باسقارۋعا بەرٸلگەن. جەكە مەكەمەدە ٶرتتٸ سٶندٸرەتٸندەي تەحنيكالارى جوق.
كەشە كەشكٸسٸن پوليگوندا بولعان كەزدە مۇندا بٸر عانا ٶرت سٶندٸرەتٸن كٶلٸك تۇردى. وندا وتىرعان ٶرت سٶندٸرۋشٸلەر جاز باستالعالى وسىندا ەكەندٸكتەرٸن, الايدا بىقسىپ جانىپ جاتقان قوقىستى سٶندٸرۋگە شامالارى جەتپەيتٸنٸن جەتكٸزدٸ.
«قازٸرگٸ كەزدە پوليگوندا ون تەحنيكا (ەكسكاۆاتور, جٷك تيەگٸش جەنە باسقا كٶلٸكتەر) جۇمىس جاساۋدا. ولار ٶرتتٸ سٶندٸرۋمەن بٸرگە قوقىستى كٶمٸپ جاتىر», دەدٸ «قازاقپارات» تٸلشٸسٸنە ورال قالالىق تۇرعىن ٷي-كوممۋنالدىق شارۋاشىلىعى جەنە تۇرعىن ٷي ينسپەكتسيياسى بٶلٸمٸنٸڭ باسشىسى ميرجان نۇرتازيەۆ.
ايتا كەتەيٸك, پوليگونداعى مۇنداي جاعداي جىل سايىن قايتالانىپ كەلەدٸ.
