Oral qalasy mańynda orman alqaby órtendi, dep habarlaidy QazAqparat.
BQO TJ departamentiniń baspasóz qyzmetinen túsken málimetke qaraǵanda, oqiǵa 14 qazan kúni saǵat 17.51-de 1-saiajai aýdanynda boldy.
Oral orman jáne janýarlar dúniesin qorǵaý jónindegi kommýnaldyq memlekettik mekemesi aýmaǵynda 7 gektar qurǵaq shóp jáne 8 gektar orman alqaby (qaiyń, qaraaǵash) otqa orandy.
Jel ekpini (sekýndyna 8-10 metr) órtti sóndirýdi qiyndata túsýde.
Órt saǵat 19.11-de oqshaýlandy.
«Tilsiz jaýdy» aýyzdyqtaýǵa TJ departamenti (35 qyzmetker, 7 tehnika), orman sharýashylyǵy mekemesi (5 qyzmetker, 1 tehnika) jumyldyryldy.
Órt sóndirý jumystary jalǵasýda.
