«Oral» halyqaralyq áýejaiyna Keńes odaǵynyń Batyry Mánshúk Mámetovanyń esimin berý usynyldy, dep habarlaidy QazAqparat.
BQO tilderdi damytý basqarmasynyń basshysy mindetin atqarýshy Sveta Ǵanievanyń málim etkenindei, Nur Otan partiiasy oblystyq filialy janyndaǵy «Miras» qoǵamdyq keńesi jáne oblystyq máslihat depýtattarynan «Oral» halyqaralyq áýejaiyna Keńes odaǵynyń Batyry Mánshúk Mámetovanyń esimin berý týraly usynys túsken.
Bul másele búgin oblystyq máslihattyń 7-sessiiasynda qaralyp, depýtattar tarapynan biraýyzdan qoldaý tapty. Tiisti sheshim qabyldandy.
«Endi usynys QR Úkimeti janyndaǵy respýblikalyq onomastika komissiiasynyń qaraýyna joldanatyn bolady», - dedi Ǵanieva.
