Foto Facebook paraqshasynan alyndy, avtory: Kazis Toǵyzbaev
Almatyda 75 jasqa qaraǵan shaǵynda jýrnalist, qoǵam qairatkeri, oppozitsiialyq saiasatker Jasaral Qýanyshálin qaitys boldy. Qaraly habardy belsendi Niiazbek Iýsýpov rastady.
Belsendiniń aitýynsha, 18 mamyrda tústen keiin dárigerler Jasaral Qýanyshálindi "jasandy tynys apparatyna jalǵaǵan, alaida onyń júregi shydamaǵan".
Aita keteiik, qoǵam qairatkeri 16 mamyrda aýrýhananyń reanimatsiia bólimine túsken edi.
Jasaral Qýanyshalin 1949 jyly 7 sáýirde Aqtóbe oblysynyń Qarabutaq aýdanynda dúniege kelgen.
1966-1967 jyldary Aqtóbe qalasyndaǵy №7 PTÝ-da "avtokran mashinisi" mamandyǵynda oqyǵan. 1972-1978 jyldary Kirov atyndaǵy QazMÝ-dyń filologiia fakýltetin "orys tili men ádebieti oqytýshysy" mamandyǵy boiynsha támamdaǵan. Sondai-aq 1998 jyly ál-Farabi atyndaǵy Qazaq ulttyq ýniversitetiniń zań fakýltetin syrttai bitirgen.
1994-1995 jyldary Qazaqstan Joǵarǵy keńesiniń depýtaty bolǵan.
Qazaqstan Jýrnalister odaǵynyń múshesi.
