فوتو Facebook پاراقشاسىنان الىندى, اۆتورى: كازيس توعىزباەۆ
الماتىدا 75 جاسقا قاراعان شاعىندا جۋرناليست, قوعام قايراتكەرٸ, وپپوزيتسييالىق ساياساتكەر جاسارال قۋانىشەلين قايتىس بولدى. قارالى حاباردى بەلسەندٸ نييازبەك يۋسۋپوۆ راستادى.
بەلسەندٸنٸڭ ايتۋىنشا, 18 مامىردا تٷستەن كەيٸن دەرٸگەرلەر جاسارال قۋانىشەليندٸ "جاساندى تىنىس اپپاراتىنا جالعاعان, الايدا ونىڭ جٷرەگٸ شىداماعان".
ايتا كەتەيٸك, قوعام قايراتكەرٸ 16 مامىردا اۋرۋحانانىڭ رەانيماتسييا بٶلٸمٸنە تٷسكەن ەدٸ.
جاسارال قۋانىشالين 1949 جىلى 7 سەۋٸردە اقتٶبە وبلىسىنىڭ قارابۇتاق اۋدانىندا دٷنيەگە كەلگەن.
1966-1967 جىلدارى اقتٶبە قالاسىنداعى №7 پتۋ-دا "اۆتوكران ماشينيسٸ" ماماندىعىندا وقىعان. 1972-1978 جىلدارى كيروۆ اتىنداعى قازمۋ-دىڭ فيلولوگييا فاكۋلتەتٸن "ورىس تٸلٸ مەن ەدەبيەتٸ وقىتۋشىسى" ماماندىعى بويىنشا تەمامداعان. سونداي-اق 1998 جىلى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ زاڭ فاكۋلتەتٸن سىرتتاي بٸتٸرگەن.
1994-1995 جىلدارى قازاقستان جوعارعى كەڭەسٸنٸڭ دەپۋتاتى بولعان.
قازاقستان جۋرناليستەر وداعىنىڭ مٷشەسٸ.
