Foto: smartnews.kz
Tsifrlyq damý, innovatsiialar jáne aeroǵarysh ónerkásibi ministrligi aqparattyq qaýipsizdik komitetiniń tóraǵasy Rýslan Ábdiqalyqov qazaqstandyqtardyń jeke derekterin kúzetýdiń jańa tásili engiziletinin málim etti.
"1 millionnan astam jeke derekterdi óńdeitin operatorlarǵa mindetti kibersaqtandyrý engzýdi josparlap otyrmyz. Bul da avtokólik saqtandyrýy siiaqty. Onyń máni kólik ielerin yqtimal jol apattarynan saqtandyrý. Osy tásildi kibersalada qoldanbaqshymyz. Mysaly, qandai da bir uiym jeke derekterdi urlatyp alsa, sonyń saldarynan jeke derek ieleri shekken ziiandy saqtandyrý kompaniialary tóleidi. Al ondai qatelik jibergen operator kelesi jyly mindetti saqtandyrýdyń tólemine óte úlken soma óteidi degen sóz", — dedi ol ortalyq kommýnikatsiialar qyzmetinde ótken baspasóz máslihatynda.
Komitet basshysynyń aitýynsha, mundai júie qarapaiym azamattardy kompaniialarmen sottasý aýyrtpalyǵynan bosatady.
"Bul, birinshiden, operatorlardy jeke derekterdiń qaýipsizdigine kóbirek kóńil bólýge itermeleidi. Ekinshiden, bul jeke deregi urlanǵan azamattar árbir jaǵdai boiynsha qandai da bir kompaniiamen sottasyp júrmeitindei órkenietti júie qalyptastyrýǵa múmkindik beredi. Bizdiń elde ondai sottar óte uzaqqa sozylady jáne kúrdeli ótedi", — dedi Rýslan Ábdiqalyqov.
