Tanymal opera ánshisi, Daryn jastar syilyǵynyń iegeri Mariia Mýdriak jol apatynan aman qaldy, dep habarlaidy "Ult aqparat".
«Men Qazaqstandamyn, keshe bizdiń ekinshi týǵan kúnimiz boldy! Eń aldymen otbasymyzdyń atynan qiyn sátte bei-jai qalmai, kómekke kelgen barlyq meiirimdi jáne qamqor adamdarǵa raqmet aitqym keledi! Biz Pavlodarǵa úige bara jattyq jáne kóktaiǵaqtan kóligimiz eki ret aýdarylyp, jyraǵa ushyp ketti. Qudaiǵa shúkir, bárimiz aman qaldyq», - dep jazdy ánshi Instagram jelisinde.
Onyń aitýynsha, ótip jatqan kólikterdiń bári toqtap, 15 adam qardan shyǵarýǵa kómektesken.
«Men olardyń attaryn bilmeimin, biraq osyndai qamqor adamdar barda álemniń tynysy toqtamaidy! Mine, bizdiń qazaqstandyqtar osyndai. Barshańyzǵa raqmet!!!», - deidi M. Mýdriak.
Eske sala ketsek, aýa raiynyń nasharlaýyna bailanysty Pavlodar oblysynyń joldarynda avtokóliktiń barlyq túrleriniń qozǵalysyna shekteý qoiylǵan.
