20 aqpanda Reseidiń Samara qalasynda Open Fighting Championship halyqaralyq jekpe-jek týrniri ótedi. Josparlanǵan 17 jekpe-jekte álemniń 9 eliniń faiterleri baq synasady, dep habarlaidy SPORTINFORM portaly.
Týrnir anderkardynda eki qazaqstandyq óner kórsetedi: qaraǵandylyq Konstantin Cherednichenko (65,8 keli) jergilikti sportshy Danil Konnovqa qarsy shyqsa, atyraýlyq Talǵat Jumaǵaliev (56,7 kg) pen reseilik Gýsein Halikov ózara myqtyny anyqtaidy.
Taǵy bir qazaqstandyq - «Atyrau Top Team» komandasynyń múshesi Samat Jaǵyparov týrnirdiń meinkardyn ashyp, liganyń OFC chempiondyq belbeýi men júlde qory 1 million rýbl (shamamen 6 mln teńge) bolatyn Gran-Pridiń ¼ finalynda jekpe-jekke shyǵady. Jaǵyparovtyń qarsylasy – armeniialyq Aik Kazarian. Salmaq dárejeleri – 61,2 keli.
Open Fighting Championship-tiń basty jekpe-jegi reseilik Viktor Kolesnik pen nokaýtshy Elismar «Karrasko» Lima arasynda ótpek. Sondai-aq negizgi aiqastyń birinde kópshiliktiń súiiktisi tájikstandyq Sharaf Davlatmýrodov braziliialyq Adriano Balbige qarsy shyǵady.
Samarada ótetin mikstfait keshin FullHD sapasynda qazaqstandyq INSPORT – insporttv.kz sporttyq telearnasynan tegin tamashalaýǵa bolady.
