20 اقپاندا رەسەيدٸڭ سامارا قالاسىندا Open Fighting Championship حالىقارالىق جەكپە-جەك تۋرنيرٸ ٶتەدٸ. جوسپارلانعان 17 جەكپە-جەكتە ەلەمنٸڭ 9 ەلٸنٸڭ فايتەرلەرٸ باق سىناسادى, دەپ حابارلايدى SPORTINFORM پورتالى.
تۋرنير اندەركاردىندا ەكٸ قازاقستاندىق ٶنەر كٶرسەتەدٸ: قاراعاندىلىق كونستانتين چەرەدنيچەنكو (65,8 كەلٸ) جەرگٸلٸكتٸ سپورتشى دانيل كوننوۆقا قارسى شىقسا, اتىراۋلىق تالعات جۇماعاليەۆ (56,7 كگ) پەن رەسەيلٸك گۋسەين حاليكوۆ ٶزارا مىقتىنى انىقتايدى.
تاعى بٸر قازاقستاندىق - «Atyrau Top Team» كومانداسىنىڭ مٷشەسٸ سامات جاعىپاروۆ تۋرنيردٸڭ مەينكاردىن اشىپ, ليگانىڭ OFC چەمپيوندىق بەلبەۋٸ مەن جٷلدە قورى 1 ميلليون رۋبل (شامامەن 6 ملن تەڭگە) بولاتىن گران-پريدٸڭ ¼ فينالىندا جەكپە-جەككە شىعادى. جاعىپاروۆتىڭ قارسىلاسى – ارمەنييالىق ايك كازاريان. سالماق دەرەجەلەرٸ – 61,2 كەلٸ.
Open Fighting Championship-تٸڭ باستى جەكپە-جەگٸ رەسەيلٸك ۆيكتور كولەسنيك پەن نوكاۋتشى ەليسمار «كارراسكو» ليما اراسىندا ٶتپەك. سونداي-اق نەگٸزگٸ ايقاستىڭ بٸرٸندە كٶپشٸلٸكتٸڭ سٷيٸكتٸسٸ تەجٸكستاندىق شاراف داۆلاتمۋرودوۆ برازيلييالىق ادريانو بالبيگە قارسى شىعادى.
سامارادا ٶتەتٸن ميكستفايت كەشٸن FullHD ساپاسىندا قازاقستاندىق INSPORT – insporttv.kz سپورتتىق تەلەارناسىنان تەگٸن تاماشالاۋعا بولادى.
