Qazaqstan Prezidenti Qasym-Jomart Toqaev soltústik óńirge qonys aýdarýshylarǵa beriletin járdemaqy kólemin 97 230 teńgeden 194 460 teńgege deiin arttyrýdy usyndy, - dep habarlaidy «Ult aqparat».
Ol turǵyndardy ońtústikten soltústikke kóshirý máselesi ulttyq qoǵamdyq senim keńesiniń otyrystarynda da kóterilgenin atap ótti.
"Memleket migranttar úshin barynsha qolaily jaǵdai jasaýy tiis. Jaqynda men Soltústik Qazaqstan oblysyna jumys saparymen bardym. Óńirde demografiialyq ósý boiynsha eń tómen kórsetkish bar, alaida oblys óńirge qonys aýdarýshylardy tartý boiynsha jaqsy nátijeler kórsetip otyr. Óńirde qonys aýdarýshylar úshin jańa turǵyn úiler salynýda", - dedi Toqaev beisenbi kúni Ulttyq qoǵamdyq senim keńesiniń otyrysynda.
Aitýynsha, Soltústik Qazaqstanda kommýnaldyq infraqurylym júiesi damyp jatyr, áleýmettik mańyzy bar nysandar salynýda.
Kóship-qonýshylardy yntalandyrý maqsatynda memleket basshysy qosymsha shara retinde járdemaqy mólsherin eki esege, iaǵni 35 AEK-ten 70 AEK-ke deiin arttyrýdy usyndy.
Toqaevtyń tapsyrmasyna sai, úkimet bul máseleni bir ai ishinde zerttep, tiisti sheshim qabyldaýy kerek.
Sondai-aq, el basshysy qonys aýdarýshylar úshin portal bazasynda arnaiy sait qurý qajet ekenin aitty. Eńbek.kz saity arqyly kóship barýshylar memlekettik qoldaý sharalary týraly barlyq aqparatty ala alady.
Qazaqstanda qonys aýdarýshylardyń otbasylaryna memlekettik qoldaý kórsetiledi: kóshýge materialdyq kómek, turǵyn úidi jaldaý (jalǵa alý) jáne kommýnaldyq qyzmetterge aqy tóleý boiynsha shyǵystardy óteý, qajet bolǵan jaǵdaida qysqa merzimdi kásiptik oqytýǵa jiberý, sondai-aq jańa turǵylyqty jerinde jumysqa ornalasýǵa jáne kásipkerlikti damytýǵa járdemdesý.
Sondai-aq, Memleket basshysy tarihi otanyna oralýǵa tilek bildirgen etnikalyq qazaqtardyń turǵyn úi máselesin sheshýdi tapsyrdy.
Aita keteiik, tarihi otanyna oralǵysy kelgen etnikalyq qazaqtar "qandas" mártebesin berý merzimi aiaqtalǵanǵa deiin bir jylǵa ǵana turǵyn úi alý múmkindigi bar. Azamattyq alǵannan keiin bul mártebe toqtatylady jáne adam baspana alý múmkindiginen aiyrylady.
Osyǵan bailanysty azamattyqty alǵan bizdiń "qandastarymyz" úshin soltústik óńirlerge qonys aýdarǵan jaǵdaida memleket olardyń artynda turǵyn úi kezeginiń saqtalýyn qamtamasyz etýi tiis.
Prezidenttiń aitýynsha, bul shara azamattardy eńbek kúshi tapshy óńirlerge kóshirý úshin qosymsha yntalandyrý bolady.
Esterińizge sala keteiik, Qazaqstanda "oralman" termini alynyp tastaldy. Endi Qazaqstan egemendik alǵan kezde respýblikadan tys jerde turǵan etnikalyq qazaq "qandas" dep atalady.
Qazirgi ýaqytta kóshýge otaǵasy men otbasynyń árbir múshesine bir mezgilde 35 AEK bólinedi.
Qazaqstandyqtardy kóshirý "Eńbek" Nátijeli jumyspen qamtýdy jáne jappai kásipkerlikti damytýdyń memlekettik baǵdarlamasy sheńberinde jumys kúshi artyq oblystardan (Almaty, Jambyl, Mańǵystaý, Túrkistan, Qyzylorda), sondai-aq Nur-sultan men Shymkentten júrgiziledi.
Aita keteiik, 2020 jyly 11 myńǵa jýyq etnikalyq qazaq tarihi otanyna oraldy. Eńbek jáne halyqty áleýmettik qorǵaý ministrliginiń habarlaýynsha, olarǵa qandas mártebesi berildi.
2020 jyldyń 1 qazandaǵy jaǵdai boiynsha, 10,9 myń adam Qazaqstanǵa, túpki otanyna oraldy.
