Qazaqstanda ońtústik óńirlerde elektr energiiasyn óshirý sebepterin tekserý boiynsha arnaiy komissiia quryldy. Bul týraly QR Energetika ministrliginen málim etti.
«Qazaqstan Respýblikasy Energetika vitse-ministriniń basshylyǵymen ońtústik óńirlerdiń tutynýshylaryn elektrmen jabdyqtaýshy «KEGOC» AQ elektr jelilerinde tehnologiialyq buzýshylyqtyń týyndaýy jáne oryn alý sebepteri men sharttaryn shynaiy jáne jan-jaqty anyqtaý maqsatynda arnaiy komissiia quryldy. Tekseris nátijeleri boiynsha oryn alǵan tehnologiialyq buzýshylyqtarǵa aldaǵy ýaqytta jol bermeý, sondai-aq Qazaqstan Respýblikasynyń biryńǵai elektr energetikasy júiesiniń jumys isteý turaqtylyǵyn arttyrý jónindegi uiymdastyrýshylyq jáne tehnikalyq is-sharalar ázirlenetin bolady», - dep atap ótedi ministrlikten.
Esterińizge sala keteiik, 25 qańtarda Almaty, Jambyl, Túrkistan, Qyzylorda oblystarynda jáne Almaty men Shymkent qalalarynda elektr energiiasy apattyq jaǵdaida ajyratyldy. Sol kúni saǵat 16:00-de Qazaqstannyń ońtústik aimaǵynyń barlyq óńirleriniń tutynýshylaryna jaryq qaita berildi.
