Búgin Shymkenttegi oblystyq «Qazaqstan halqy Assambleiasy» ǵimaratynda etnomádeni birlestikterdiń qatysýymen dástúrli «Qazaq dastarhany» festivali ótti, dep habarlaidy "Ult aqparat".
Ótken jyldary qazaqtyń ulttyń taǵamy et asýdan sheberlikterin tanytqan etnos ókilderi biyl «Rýhani jańǵyrý» baǵdarlamasyna qoldaý bildirip, qazaqtyń umyt bola bastaǵan ulttyq taǵamdaryn daiyndaýdan ózara saiysqa tústi.
Festival aiasynda tóńkerme, jórgem, jońqa, kómbe, úlpershek, buqpa, qaryn bórtpe, mipalaý, qazan jappa, qurt kóje syndy qazaqtyń ulttyq taǵamdaryn daiyndaǵan óńirimizdegi etnomádeni birlestikter onyń tarihy men ázirleý ádis-tásilin is-shara qonaqtary men qazylar alqasyna tanystyrdy.
«Búgingi sharany uiymdastyrý arqyly biz óńirdegi barsha etnostardy qoǵamdyq bastamalarǵa uiystyrý arqyly memleket quraýshy qazaq halqynyń mańaiyna toptastyrýdy, ultymyzdyń qonaqjailyq dástúrin dáripteýdi, rýhani qundylyqtarymyzdy jańǵyrtýdy kózdep otyrmyz, - dedi oblystyq Qazaqstan halqy Assambleiasy tóraǵasynyń orynbasary Muratáli Qalmuratov
Belgili jazýshy, oblys əkimi janyndaǵy «Yrys aldy – yntymaq» qoǵamdyq forýmynyń hatshysy Marhabat Baiǵut, OQO QHA janyndaǵy ǵylymi-sarapshylyq toptyń jetekshisi, p.ǵ.d., professor Asma Qalybekova, №6 kolledjdiń joǵary sanatty sheberi Farida Turǵanbaiqyzy syndy azamattardan quralǵan qazylar alqasy assambleia músheleri ázirlegen qazaqtyń ulttyq taǵamdaryn baǵalady.
Qazylar alqasynyń sheshimimen bas júldege qaryn bórtpe taǵamyn dámdi etip daiyndaǵan oblystyq grýzin etnomádeni birlestigi laiyqty dep tabyldy. I oryndy tájik etnomádeni birlestigi, II oryndy korei etnomádeni birlestigi men uiǵyr etnomádeni birlestigi ielendi. Al, III oryn oblystyq poliak, grek jáne nemis etnomádeni birlestikterine buiyrdy. Festival aiasynda maqal-mátel aitýdan saiysyp, asyq atýdan sheberlikterin kórsetken etnos ókilderi de marapattan tys qalmady.
Is-sharaǵa qatysqan óńir turǵyndary etnomádeni birlestikter janyndaǵy óner ujymdary daiyndaǵan kontserttik baǵdarlamany tamashalap, ulttyq taǵamdarymyzdan dám tatty.
