Túrkistan oblysynda COVID-19 pandemiiasynyń taralýyna jol bermeý maqsatynda júieli jumystar atqarylyp jatyr. Osyǵan orai oblys ákiminiń orynbasary Sáken Qalqamanov Zoom baǵdarlamasy arqyly bailanysqa shyǵyp, respýblikalyq BAQ ókilderine oblystaǵy epidemiologiialyq ahýaldy baiandady, dep habarlaidy "Ult aqparat".
Sáken Qalqamanovtyń aitýynsha, pandemiiamen kúres kezindegi qolǵa alynǵan sharalar jáne aldyńǵy kezektegi máselelermen turǵyndardy aqparattandyrý basty nazarda.
Osy rette oblys ákiminiń orynbasary naýryz aiynan beri kúndelikti Facebook áleýmettik jelisi arqyly tikelei efirge 58 ret shyǵyp, BAQ ókilderi men turǵyndardy mazalaǵan suraqtarǵa jaýap bergen. Jurtshylyqty udaiy atqarylǵan jumystardyń barysymen tanystyryp keledi.
Bul úrdis jalǵasyn taýyp, endi oblystaǵy 16 aýdan-qala ákimderi belgilengen kestege sai kúndelikti turǵyndarmen tikelei bailanysqa shyǵatyn boldy. Osylaisha jergilikti bilik ókilderi halyqty tolǵandyrǵan suraqtarǵa jaýap bermek.
Ákimderdiń arasynda birinshi bolyp Kentaý qalasynyń ákimi Dáýren Maqajanov pen Túlkibas aýdany ákiminiń orynbasary Erlan Kúzembaev tikelei efirge shyǵyp, pandemiiaǵa qarsy kúres jáne dári-dármek máselesi boiynsha atqarylyp jatqan jumystaryn baiandady.
Efir barysynda turǵyndar osy kezeńde kórsetiletin kómek pen aldaǵy jospar jaily suraqtar qoiyp, tolyqqandy jaýap aldy.
