Ońtústik Qazaqstan oblysynyń ónerkásip kásiporyndary on aida 683 808 mlrd teńgeniń ónimin shyǵardy, dep habarlaidy "Ult aqparat" óńir ákimdiginiń baspasóz qyzmetine silteme jasap.
Bul týraly Óńirlik kommýnikatsiialar qyzmetinde ótken baspasóz konferentsiiasynda oblystyq statistika departamentiniń basshysy Aidar Ábildabekov málim etti.
«Osy jyldyń on aiynda óńirdegi ónerkásip kásiporyndarymen 683 808 mlrd teńgeniń ónimi óndirildi. Sonyń ishinde ken óndirý ónerkásibi jáne karerlerdi qazý salasynda 146 056 mln teńge, óńdeý ónerkásibinde 467 773 mln teńge, elektrmen jabdyqtaý, gaz, bý berý jáne aýany baptaýda 57 454 mln teńge, sýmen jabdyqtaý, káriz júiesi, qaldyqtardyń jinalýyn jáne taratylýyn baqylaý boiynsha 12 524 mln teńgeniń ónimi óndirildi», - dedi A.Ábildabekov.
Budan bólek, spiker aýyl sharýashylyǵyndaǵy jalpy ónimniń kólemi 471 550 mln teńgeni quraǵanyn, bul ótken jylmen salystyrǵanda 2,4 paiyzǵa artqanyn atap ótti. Sondai-aq mal sharýashylyǵy 3,4 paiyzǵa artyp, 188 192 mln teńgege jetken. Osy baǵytta oblys respýblika kólemindegi úlesi boiynsha 2-shi orynda tur.
Departament basshysynyń málimetinshe, aimaqta jumys istep turǵan shaǵyn jáne orta kásipkerlik sýbektileriniń sany 1 qarashaǵa 177 014 birlikti quraǵan. Bul ótken jyldyń tiisti kezeńimen salystyrǵanda 4,9 paiyzǵa joǵary. Olarda 357 412 adam jumyspen qamtylsa, taýarlar, qyzmet kórsetýler boiynsha 381 632 mln teńgeniń ónimi shyǵarylǵan.
