Elbasynyń «Bolashaqqa baǵdar: rýhani jańǵyrý» maqalasynda aitylǵan ulttyq kodymyzdy jańǵyrtý maqsatynda ońtústikqazaqstandyq ónertapqysh dombyranyń elektrondy nusqasyn oilap taýyp, qoldanysqa engizdi, dep habarlaidy "Ult aqparat" OQO ákiminiń baspasóz qyzmetine silteme jasap.
Endi dombyrany uialy telefonyńyzdan tartyp, án shyrqaýyńyzǵa bolady. Eger úirengińizge kelse, tegin júkteýge de múmkindik týyp otyr. «Apple» kompaniiasy maquldaǵan bul baǵdarlamanyń avtory – ońtústikqazaqstandyq IT maman Nurlan Qambar. Ónertapqysh jigit atalǵan baǵdarlamany jýyrda ǵana AQSh-taǵy «Apple» kompaniiasyna maquldatyp, avtorlyq quqyq iesi atandy.
Dombyranyń elektrondy nusqasyn oilap tapqan 20 jasar jigitke bul ideia Astanadaǵy EKSPO kórmesine barǵanda kelipti. Nurlannyń bul ideiasyn iske asyrýǵa «qazaqstandyq Stiv Djobs» atanyp ketken Arman Súleimenov aqyl-keńes beripti.
«Qazirgi tańda qazaq jastary jańashyldyqqa umtylyp, jańa tehnologiialardy igerýge kúsh salyp jatyr. Solardyń biri retinde men de óz baǵymdy synap kórýdi jón sanap, alǵashqy eńbegimdi júzege asyrýǵa tyrystym. Bul baǵdarlamanyń bir ereksheligi – dombyra úirenýge ári dombyra joq jerde uialy telefonnan kúi nemese án tartýǵa múmkindik beredi. Atalǵan baǵdarlamany myna siltemeden https://itunes.apple.com/us/app/dombra/id1265753404?l=ru&ls=1&mt=8 tegin júktep alýyńyzǵa bolady», - deidi ónertapqysh.
Búginde ol jazǵy demalys kezeńin paidalanyp Astana qalasyndaǵy Nazarbaev ýniversitetindegi IT mamandardan arnaiy sabaq alyp júr.
