Foto: ashyq derekkózden
Qazaqstan territoriiasynyń basym bóligine, Ońtústik tsiklon jáne onymen bailanysty atmosferalyq frontaldy bólikter áser etetin bolady – naizaǵaimen jańbyr jaýady, ońtústik-shyǵysta burshaq jaýady, respýblika boiynsha jel kúsheiedi, ońtústik-batysta jáne ońtústik-shyǵysta shańdy daýyl kútiledi dep boljap otyr Qazgidromet dep habarlaidy "Ult Aqparat".
Qazgidromettiń málimetteri boiynsha tek elimizdiń soltústik-shyǵysynda, shyǵysynda jaýyn-shashynsyz aýa raiy saqtalady.
Qyzylorda oblysynyń ortalyǵynda, shyǵysynda jáne Qyzylorda qalasynda, Mańǵystaý oblysynyń soltústik-shyǵysynda joǵary órt qaýipi kútiledi.
Astana q.: kóshpeli bultty, jaýyn-shashynsyz. Soltústik-shyǵystan, shyǵystan jel soǵady, kúshi 9-14, kúndiz ekpini 15-20 m/s. Aýanyń temperatýrasy túnde 3-5, kúndiz 10-12 gradýs jyly.
Almaty q.: kóshpeli bultty, kúndiz ótkinshi jańbyr, naizaǵai bolady. Ońtústik-batystan jel soǵady, kúshi 3-8, naizaǵai kezinde ekpini 15-20 m/s. Aýanyń temperatýrasy túnde 12-14, kúndiz 23-25 gradýs jyly.
Shymkent q.: kóshpeli bultty, túnniń birinshi jartysynda ótkinshi jańbyr, naizaǵai, daýyl kútiledi. Ońtústik-batystan jel soǵady, kúshi 8-13, naizaǵai kezinde ekpini 15-20 m/s. Aýanyń temperatýrasy túnde 15-17, kúndiz 27-29 gradýs jyly.
