Soltústik Koreia lideri Kich Chen Ynnyń jubaiy Li Sol Chjý men Ońtústik Koreia prezidenti Mýn Chje Inniń áieli Kim Chjon Sýk áskerilenbegen aimaqtaǵy Phanmýndjom kelissóz pýnktinde kezdesti. Eki memlekettiń birinshi hanymdary mundai kezdesýdi tuńǵysh ret ótkizip otyr, - dep habarlaidy Tengrinews.kz Yonhap agenttigine silteme jasap.
Li Sol Chjý men Kim Chjon Sýk jyly lebiz tanytyp, qol alysty. Osydan keiin kúieýlerimen birge sýretke túsip, banketke bardy. KHDR lideriniń áieli kezdesýge qoiý sary-qyzǵylt tústi batys úlgisindegi kostiým tańdapty. Al ońtústikkoreialyq prezidenttiń 62 jastaǵy áieli kúlgin tanamonshaǵy bar ashyq kók tústi palto kiipti.
Li Sol Chjý sheteldik liderlermen qarym-qatynas tájiribesi bolmasa da ózin erkin ustap, senimdi kórindi. Tarihi oqiǵanyń kadrlaryn álemdik BAQ taratyp jatyr.
Munyń aldynda KHDR jáne Koreia Respýblikasynyń basshylary Kim Chen Yn jáne Mýn Chje In eki el arasyndaǵy demarkatsiialyq aimaqta ornalasqan Phanmýndjom kelisim ornyna kelip, qol alysqan edi. Kim Chen Yn KHDR delegatsiiasy "beibitshilik pen gúldený jolyndaǵy jańa tarihy bastalǵandai sezimde" kelgenin aitty. Óz kezeginde Mýn Chje In Soltústik Koreia basshysyn kelisimge kelýge shaqyrdy. "Ashyq dialog júrgizsek, ultymyzǵa jáne beibitshilikke umtylǵan búkil álem halqyna úlken syi jasaimyz", - dedi ol.
Kim Chen Yn Ońtústik Koreiamen shekarany kesip ótip, 65 jylda mundai qadamǵa barǵan QHDR-diń alǵashqy basshysy bolyp otyr.
