"Qazgidromet" RMK sinoptikteri 25-27 tamyzǵa arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, respýblikanyń batys jáne ońtústik óńirlerinde ashyq jáne ystyq aýa raiy saqtalady. Elimizdiń soltústik, ortalyq jáne shyǵys óńirlerinde aýa raiynyń qalyptasýyna soltústik tsiklon jyrasy áser etedi, sondyqtan jańbyr jaýyp, naizaǵai oinap, jel kúsheiedi, aptanyń aiaǵyna qarai soltústik óńirlerde aýa temperatýrasy tómendeidi dep kútiledi.
"Qazaqstannyń batysynda kúndizgi aýa temperatýrasy +27+38 gradýs shamasynda saqtalady, respýblikanyń soltústik-batysynda aýa temperatýrasy +25+32 gradýstan +20+28 gradýsqa deiin, soltústiginde +22+27 gradýstan +18+23 gradýsqa deiin tómendeidi, eldiń ortalyǵy men shyǵysynda aýanyń temperatýrasy +18+28 gradýs, ońtústiginde +28+35 gradýs, ońtústik-shyǵysynda +20+30 gradýs shamasynda bolady", - delingen habarlamada.
