Ońtústik Koreiadaǵy qarýsyzdandyrylǵan shekara postyna KHDR tarapy oq jaýdyrdy, dep habarlaidy "Ult aqparat" Renhap agenttigine silteme jasap.
Renhaptyń bul aqparatyn shtab basshylary komiteti rastady. Ońtústik Koreia KHDR-ge eskertý jasap, jaýap retinde oq atýǵa májbúr boldy.
Komitet málimeti boiynsha, KHDR jergilikti ýaqytpen 7:41 shamasynda Chhorvon shekara qalasy mańynda oq atqan.
Ońtústik Koreia zardap shekkender men zaqymdalǵan obektiler týraly habarlaǵan joq. Oqiǵadan keiin Ońtústik Koreia áskerileri radio arqyly eskertý jiberip, eki ret jaýap retinde qarsy oq jaýdyrǵanyn rastady.
«Biz oqiǵanyń anyq-qanyǵyn bilip, osyndai jaitty endi boldyrmas úshin koreiaaralyq bailanysty iske qosyp jatyrmyz. Sonymen qatar daiyn otyrmyz», - dep málimdedi komitet ókili.
