Foto: Getty Images
Iýn Sok Iol beisenbide qaitadan jalǵyz kisilik túrme kamerasyna qamaldy, dep habarlaidy Reuters agenttigi. Buǵan sottyń onyń qaita tutqyndalýyna order berýi sebep bolǵan.
Ótken jyldyń jeltoqsanynda Iýn elde áskeri tótenshe jaǵdai jariialaýǵa tyrysqan, biraq bul áreketi sátsiz aiaqtalǵan. Osydan keiin parlament ony búlik jasaýǵa talpyndy dep aiyptap, memleket basshysyna impichment jariialaǵan.
Habarlamalarǵa qaraǵanda, prokýratýra Iýnnyń Soltústik Koreia ústinen áskeri dron ushyrýdy buiyrǵanyn dáleldeitin aiǵaqtar tapqan. Bul áreket qarsy tarapty jaýap qaitarýǵa itermelep, elde áskeri jaǵdai engizýdi aqtap alýǵa arnalǵan bolýy múmkin.
Qańtar aiynda Iýn alǵash ret tutqyndalǵan edi: onyń Seýldegi rezidentsiiasyn shabýylmen basyp alý arqyly qolǵa túsirgen. Araǵa eki ai salyp, sot tutqyndaýdy tehnikalyq sebeppen jaramsyz dep tanyp, Iýn bosatyldy. Alaida oǵan qatysty sot protsesi jalǵasýda. Oǵan ómir boiy bas bostandyǵynan aiyrý nemese ólim jazasy qaýpi tónip tur.
Maýsym aiynda Ońtústik Koreiada kezekten tys prezidenttik sailaý ótti. Prezident bolyp oppozitsiialyq Demokratiialyq partiianyń kandidaty Li Chje Mion sailandy.
