Ońtústik Koreiaǵa jumysqa attanǵan qazaqstandyqtar Otanyna qaityp jatyr. Bul týraly QR Syrtqy ister ministrliginde ótken baspasóz máslihatynda vedomstonyń resmi ókili Aibek Smadiiarov málim etti, dep habarlaidy QazAqparat tilshisi.
«BAQ-tyń kómegimen bizdiń azamattarǵa biraz aqparat jetkizildi. Qýanyshtysy, kóbi qaityp jatyr. Naýryz aiynyń sońyna deiin «Jasyl dáliz» sharasy jalǵasady. Sondyqtan kútýdemiz. Naqty qansha azamattyń elge oralǵany týraly aqparat áli kelip túsken joq. Jyldyń sońyna taman Koreia Úkimetimen birge biz ony túgendeimiz. Sodan keiin BAQ-qa jariia etemiz», - dedi QR SIM resmi ókili Aibek Smadiiarov.
Eske sala ketsek, Aibek Smadiiarov qazan aiynyń ortasynda Ońtústik Koreiada zańsyz júrgender Qazaqstanǵa esh kedergisiz orala alatynyn málim etken bolatyn.
Qazan aiynda QR SIM konsýldyǵynyń aqparatyna sáikes, Ońtústik Koreiada qazirgi tańda 19 myń qazaqstandyq resmi túrde tirkelgen, shamamen 12 myńǵa jýyq qazaqstandyq zańsyz túrde júrgeni aitylǵan.
Ońtústik Koreia úkimeti «Jasyl dáliz» is-sharasyn bastaǵan. Sol aktsiiaǵa sáikes, osy jyldyń 1 qazanynan bastap kelesi jyldyń 31 naýryzyna deiin Koreia aýmaǵynda jumys istep zańsyz júrgen azamattar óz erkimen elderine qaitatyn bolsa, eshqandai aiyppulǵa ilikpeidi. Al eger ony qoldanbai, kúsheitilgen reidterdiń qoldaryna tússe, onda 6,5 mln teńge aiyppul arqalap, ol azamatqa on jyl merzimge Koreiaǵa kirýge tyiym salynady.
