Foto: freepik.com
Taiaý kúnderi Ońtústik Koreiadan Qazaqstanǵa alǵashqy gýmanitarlyq júk keledi, dep habarlaidy «Ult aqparat» 24KZ-ke silteme jasap.
Sý tasqynynan zardap shekken turǵyndarǵa rezeńke qaiyqtar men aiaq kiimder, oqý quraldary jiberiledi. Bul zattar Ońtústik Koreiada turatyn qazaqstandyqtardyń qarajatyna satyp alynǵan.
Qaiyrymdylyq sharasyna elimizdiń ulttyq áýe kompaniiasy qoldaý kórsetti. Ol gýmanitarlyq júkti Inchhonnan Almatyǵa tegin jetkizedi. Qazir jerlesterimiz arnaiy esepshot ashyp, qarajat jinaýdy jalǵastyryp jatyr.
"Alysta júrgennen keiin biz beijai qalmai, jańaǵy "jumyla kótergen júk jeńil" degendei ózimiz qazaq bolyp, kishkene bolsa da kómek kórsetsek degen nietimiz boldy", - deidi Pýsan qalasyndaǵy QR Bas konsýldyǵynyń qyzmetkeri Balnur Aitbaeva.
