QR Premer-Ministriniń orynbasary – Syrtqy ister ministri Muhtar Tileýberdi Ońtústik Koreiaǵa Qazaqstannan barǵan zańsyz eńbek migranttaryna qatysty depýtattyq saýalǵa jaýap berdi, dep habarlaidy "Ult aqparat".
Aita keteiik, biyl sáýir aiynda Májilis depýtattary Koreiadaǵy qazaqstandyq eńbek migranttary týraly másele kóterdi.
«2014 jylǵy 29 qarashadan bastap Qazaqstan Respýblikasynyń Úkimeti men Koreia Respýblikasynyń Úkimeti arasyndaǵy vizalyq talaptardy ózara joiý týraly kelisim qoldanysqa endi. Kelisimge sáikes eki eldiń azamattary týristik, jeke, iskerlik, mádeni jáne meditsinalyq maqsattarmen Taraptar aýmaǵyna vizasyz barady jáne onda 30 kúnge deiingi merzimde bola alady. Sonymen birge, jumysqa ornalasýǵa, oqýǵa, turaqty turýǵa jáne missionerlik qyzmet atqarýǵa baratyn Taraptardyń azamattary úshin vizalyq talaptar saqtalady. Alaida, QR azamattarynyń basym bóligi osy jeńildetilgen tártipti Ońtústik Koreiada zańsyz jumys isteý maqsatynda asyra paidalana bastady. Atap aitqanda, QR azamattary Koreianyń memlekettik shekarasynan ótken kezde kelý maqsatyn týrist retinde kórsetip, elde zańsyz jumysqa ornalasýda», - dep jazdy M. Tileýberdi óz jaýabynda.
Ministrlik málimetinshe, 2020 jylǵy 31 jeltoqsandaǵy jaǵdai boiynsha Ońtústik Koreia aýmaǵynda zańsyz eńbek migranttary retinde júrgen qazaqstandyqtardyń sany - 8902 adam (2019 jyly – 10 707 adam, 2018 jyly – 11 413 adam).
QR Premer-Ministri orynbasarynyń 2020 jylǵy 10 qańtardaǵy tapsyrmasyna sáikes, Koreia Respýblikasynyń sheteldik eńbek kúshterin maýsymdyq jumysqa tartý baǵdarlamasyna (The Seasonal Worker) sáikes, QR Eńbek jáne halyqty áleýmettik qorǵaý ministrligi (EHÁQM) ázirlegen korei tarapynyń Qazaqstan azamattaryn Ońtústik Koreianyń aýyl jáne balyq sharýashylyǵy salasyna maýsymdyq jumystarǵa tartý jónindegi usynysy osy eldiń tiisti mekemeleri men jergilikti provintsiialarynyń ákimshilikterine qarastyrýǵa joldandy.
Alaida, Ońtústik Koreianyń ýákiletti organdary atalǵan usynysty iske asyrýǵa qyzyǵýshylyq tanytpady. Bul sheshimniń basty sebebi - «Covid-2019» indetiniń órshýine bailanysty engizilgen karantindyq shekteýler jáne qazaqstandyqtardyń kásiptik ikemdiligi atalǵan baǵdarlamaǵa engizilgen salalarǵa (teńiz balyq sharýashylyǵy, kúrish óndirý salasy jáne t.b.) sai kelmeýi.
«Men 2020 jylǵy 25-26 qarasha aralyǵynda Seýl qalasynda «Ortalyq Aziia - Koreia Respýblikasy» yntymaqtastyq forýmynyń 13-shi otyrysy aiasynda Ońtústik Koreia Syrtqy ister ministrimen bolǵan kelissózder barysynda koreialyq Employment Permit System – EPS («Eńbek ruqsattary júiesi» - ERJ) sheteldikterdi jumysqa ornalastyrý júiesine qosylý máselesin kóterdim jáne korei tarapy oǵan jalpy qarsylyq bildirmedi. Atalǵan ERJ-ge qosylý úshin Koreianyń jaýapty memlekettik mekemeleri Qazaqstannyń tiisti memlekettik organymen (QR EHÁQM) jumys kúshin jaldaý týraly negizdemelik kelisim jasasýy tiis. Koreialyq taraptyń negizgi talaby - Qazaqstan Ońtústik Koreiaǵa eńbek migranttaryn jiberýmen ainalysatyn arnaiy memlekettik mekemeni qurýy qajet», - jep jaýap berdi Úkimet basshysynyń orynbasary.
Qazirgi tańda QR Prezidenti Ákimshiliginiń tiisti tapsyrmasyn oryndaý maqsatynda Úkimet kelesi usynystardy qamtyǵan Jol kartasyn ázirleýde:
1) EHÁQM janynan Kóshi-qon komitetin qurý;
2) EHÁQM platformasynda kóshi-qon aǵynyn retteý jónindegi aqparattyq júieni ázirleý, qazaqstandyq jáne sheteldik eńbek migranttaryna qatysty barlyq aqparattyq júielerge tiisti yqpaldastyrýdy júrgizý;
