Juma kúni Ońtústik Koreia taǵy 256 adamnyń koronavirýs juqtyrǵanyn málimdedi. Osylaisha elde dertke shaldyqqandardyń sany 2 022-ge jetti, dep habarlaidy "Ult aqparat" Yonhap-qa silteme jasap.
El biligi turǵyndardy jappai tekseristen ótkizý arqyly qaýipti virýstyń taralýyna qarsy kúresip jatyr.
Qazirgi ýaqytta Ońtústik Koreiada Qytaida paida bolǵan virýstan 13 adam ómirden ótti.
Rastalǵan jaǵdailardyń jartysynan kóbi - ońtústik-shyǵystaǵy Tegý qalasyndaǵy dini sektaǵa barǵandar.
256 oqiǵanyń 182-i Seýlden ońtústik shyǵysqa qarai 300 shaqyrym jerde ornalasqan Tegý qalasynda, al 49-y kórshiles Soltústik Kensanda tirkelgen.
Basqa da iri provintsiialar men qalalar birneshe indet juqtyrǵan adam týraly habarlady. El astanasy Seýlde alty adam virýs juqtyrdy, delingen Korei aýrýlardy baqylaý jáne aldyn alý ortalyǵynyń (KCDC) málimdemesinde.
Jeksenbi kúni virýsty eskertý dárejesi eń joǵarǵy - «qyzylǵa» kóterilgennen keiin densaýlyq saqtaý organdary virýstyń Ońtústik Koreiadaǵy oshaǵy – Tegý men Soltústik Kensan provintsiiasynda taralýyn toqtatýǵa tyrysyp jatyr.
Sarapshylardyń aitýynsha, jaqyn kúnderi virýs juqtyrǵandar sany artady. Sebebi densaýlyq saqtaý organdary «Sinchhondji Iisýs shirkeýi» dini sektasynyń 210 myńnan astam múshesin tekserýdi josparlap otyr.
