Ońtústik Koreiada sottalǵan qazaqstandyq sotqa apelliatsiia berdi. Bul týraly búgin QR Syrtqy ister ministrliginiń resmi ókili Aibek Smadiiarov aitty, dep habarlaidy QazAqparat.
«Kishkentai balany qaǵyp ketý aiyby taǵylǵan azamatymyzdy 2,5 jylǵa abaqtyǵa qamaý týraly úkim shyqqan. Qazirgi ýaqytta ol óz quqyǵyn paidalanyp, apelliatsiiaǵa berdi. Iaǵni, onyń qorǵaýshysy barlyq qujattardy daiyndap, 7 kúnniń ishinde berýi tiis bolatyn. Búginde olar bul sheshimdi qaita qaraý týraly apelliatsiia berdi», - dedi Aibek Smadiiarov BAQ ókilderiniń saýalyna orai.
Onyń aitýynsha, keibir BAQ-ta jariialanǵan «qazaqstandyq azamat shamamen 50 myń dollar kóleminde aiyppul tóleýi tiis» delingen aqparat shyndyqqa janaspaidy. Bul soma sot barysynda qalany emdeýge ketken shyǵyn retinde aitylǵan.
«Ózge qarjylai aiyppul jaiynda sóz bolǵan emes»,- dedi resmi ókil.
Eske salsaq, jol apaty byltyr 16 qyrkúiekte boldy.
Keiin QR Syrtqy ister ministrligiń resmi ókili Aibek Smadiiarov balany qaqqan 20 jastaǵy qazaqstandyq Pavlodarda júrgenin málim etti. Ońtústik Koreiada balany qaǵyp ketken qazaqstandyq Syrym Sháribek eki jyl alty ai merzimge bas bostandyǵynan aiyryldy.
