وڭتٷستٸك كورەيادا سوتتالعان قازاقستاندىق سوتقا اپەللياتسييا بەردٸ. بۇل تۋرالى بٷگٸن قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات.
«كٸشكەنتاي بالانى قاعىپ كەتۋ ايىبى تاعىلعان ازاماتىمىزدى 2,5 جىلعا اباقتىعا قاماۋ تۋرالى ٷكٸم شىققان. قازٸرگٸ ۋاقىتتا ول ٶز قۇقىعىن پايدالانىپ, اپەللياتسيياعا بەردٸ. ياعني, ونىڭ قورعاۋشىسى بارلىق قۇجاتتاردى دايىنداپ, 7 كٷننٸڭ ٸشٸندە بەرۋٸ تيٸس بولاتىن. بٷگٸندە ولار بۇل شەشٸمدٸ قايتا قاراۋ تۋرالى اپەللياتسييا بەردٸ», - دەدٸ ايبەك سماديياروۆ باق ٶكٸلدەرٸنٸڭ ساۋالىنا وراي.
ونىڭ ايتۋىنشا, كەيبٸر باق-تا جارييالانعان «قازاقستاندىق ازامات شامامەن 50 مىڭ دوللار كٶلەمٸندە ايىپپۇل تٶلەۋٸ تيٸس» دەلٸنگەن اقپارات شىندىققا جاناسپايدى. بۇل سوما سوت بارىسىندا قالانى ەمدەۋگە كەتكەن شىعىن رەتٸندە ايتىلعان.
«ٶزگە قارجىلاي ايىپپۇل جايىندا سٶز بولعان ەمەس»,- دەدٸ رەسمي ٶكٸل.
ەسكە سالساق, جول اپاتى بىلتىر 16 قىركٷيەكتە بولدى.
كەيٸن قر سىرتقى ٸستەر مينيسترلٸگٸڭ رەسمي ٶكٸلٸ ايبەك سماديياروۆ بالانى قاققان 20 جاستاعى قازاقستاندىق پاۆلوداردا جٷرگەنٸن مەلٸم ەتتٸ. وڭتٷستٸك كورەيادا بالانى قاعىپ كەتكەن قازاقستاندىق سىرىم شەرٸبەك ەكٸ جىل التى اي مەرزٸمگە باس بوستاندىعىنان ايىرىلدى.
