Ońtústik Koreianyń Ichhon qalasynda qurylys alańynda bolǵan órtte eki qazaqstandyq qaza tapty, dep habarlaidy "Ult aqparat" QR SIM baspasóz qyzmetine silteme jasap.
«2020 jylǵy 29 sáýirde Ońtústik Koreianyń Ichhon qalasynda logistikalyq qoimanyń qurylys alańynda órt shyǵyp, saldarynan 38 adam qaitys boldy, 10 adam jaraqat aldy. Izdeý jumystary jalǵasyp jatyr.
Jergilikti biliktiń habarlaýynsha, qaitys bolǵan 38 adamnyń 29-synyń aty-jóni anyqtalǵan. Sonyń ishinde ekeýi Qazaqstan Respýblikasynyń azamaty ekeni belgili boldy. Bizdiń Seýldegi diplomattar jergilikti bilikpen bailanysta», delingen habarlamada.
Eske sala ketsek, Seýlden ońtústik-shyǵysqa qarai 50 shaqyrym jerde ornalasqan Inchhon qalasynda salynyp jatqan tórt qabatty ǵimarat órtendi. Jalyn bes saǵattan soń sóndirildi. Jergilikti bilik órtke qurylys jumystary kezinde ýretan jarylýy sebep bolǵan dep sanaidy.
