وڭتٷستٸك كورەيانىڭ يچحون قالاسىندا قۇرىلىس الاڭىندا بولعان ٶرتتە ەكٸ قازاقستاندىق قازا تاپتى, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
«2020 جىلعى 29 سەۋٸردە وڭتٷستٸك كورەيانىڭ يچحون قالاسىندا لوگيستيكالىق قويمانىڭ قۇرىلىس الاڭىندا ٶرت شىعىپ, سالدارىنان 38 ادام قايتىس بولدى, 10 ادام جاراقات الدى. ٸزدەۋ جۇمىستارى جالعاسىپ جاتىر.
جەرگٸلٸكتٸ بيلٸكتٸڭ حابارلاۋىنشا, قايتىس بولعان 38 ادامنىڭ 29-سىنىڭ اتى-جٶنٸ انىقتالعان. سونىڭ ٸشٸندە ەكەۋٸ قازاقستان رەسپۋبليكاسىنىڭ ازاماتى ەكەنٸ بەلگٸلٸ بولدى. بٸزدٸڭ سەۋلدەگٸ ديپلوماتتار جەرگٸلٸكتٸ بيلٸكپەن بايلانىستا», دەلٸنگەن حابارلامادا.
ەسكە سالا كەتسەك, سەۋلدەن وڭتٷستٸك-شىعىسقا قاراي 50 شاقىرىم جەردە ورنالاسقان ينچحون قالاسىندا سالىنىپ جاتقان تٶرت قاباتتى عيمارات ٶرتەندٸ. جالىن بەس ساعاتتان سوڭ سٶندٸرٸلدٸ. جەرگٸلٸكتٸ بيلٸك ٶرتكە قۇرىلىس جۇمىستارى كەزٸندە ۋرەتان جارىلۋى سەبەپ بولعان دەپ سانايدى.
