Ońtústik Koreia 438 adamnyń koronavirýs juqtyrǵanyn habarlady. Elde aýrý juqtyrǵandardyń jalpy sany 5766 adamǵa jetti. Aýyrǵandardyń basym bóligi ońtústik-shyǵystaǵy Tegý qalasynda – virýstyń oshaǵynda ornalasqan, dep habarlaidy Yonhap agenttigi.
Koreia aýrýlardy baqylaý jáne aldyn alý ortalyǵynyń málimetinshe, ótken jyldyń aiaǵynda Qytaida paida bolǵan respiratorly virýstan Ońtústik Koreiada sozylmaly aýrýy bar 35 adam kóz jumǵan.
Naýqastardyń 60 protsenti Tegýdaǵy Sinchhondji (Shincheonji) dini sektasynyń bólimimen bailanysta bolǵan. Tegý qalasy eldegi úlkendigi boiynsha tórtinshi qala, turǵyndar sany – 2,5 mln adam.
Koreia aýrýlardy baqylaý jáne aldyn alý ortalyǵynyń deregi boiynsha, sársenbi kúni anyqtalǵan 438 jaǵdaidyń 320-sy Tegýde, 87-si – kórshi Soltústik Kionsando provintsiiasynda tirkelgen.
Seýlde de tórt adamnyń aýrý juqtyrǵany habarlandy.
Eldiń syrtqy ister ministrligi beisenbi kúni 96 memleket pen aýmaqtyń kirýge shekteý engizetinin nemese Ońtústik Koreia turǵyndaryna karantin rejimin qatańdatatynyn málim etti, dep habarlaidy Yonhap.
