Seisenbi kúni ońtústik Koreia koronavirýs juqtyrǵan 131 jańa jaǵdai týraly habarlady.
Elde virýs juqtyrǵandardyń jalpy sany 7 513 adamǵa jetti, dep habarlaidy Yonhap agenttigi.
Koreia aýrýdy baqylaý jáne aldyn alý ortalyǵynyń (KCDC) málimetine sáikes, qazirgi ýaqytta 54 adam Qytaida paida bolǵan respiratorlyq virýstan kóz jumdy. Qaitys bolǵandardyń kóbi – sozylmaly aýrýmen aýyrǵan egde jastaǵy patsientter.
Rastalǵan jaǵdailardyń 63 paiyzǵa jýyǵy 2,5 million halyq turatyn, úlkendigi jóninen eldiń tórtinshi qalasy Tegýdaǵy Sinchhondji (Shincheonji) dini sektasynyń filialymen bailanysty.
Jańadan virýs juqtyrý qarqyny sońǵy ýaqytta birshama báseńsidi. Bul densaýlyq saqtaý organdarynyń virýstyń taralý ortalyǵynda ornalasqan 210 000 Sinchhondji baǵytyn ustanýshylardy jappai tekserýdi aiaqtady.
Bilik virýstyń jańa oshaǵynyń paida bolýyna áli de alańdaýly ekenin atap ótken.
Koreia aýrýdy baqylaý jáne aldyn alý ortalyǵynyń (KCDC) málimetinshe, keshe anyqtalǵan 131 jańa jaǵdaidyń 92-si Tegýda, 10-y kórshiles Soltústik Kionsando provintsiiasynda tirkelgen. Tegýda aýrý juqtyrǵandardyń jalpy sany - 5 663, Soltústik Kionsandoda 1 117 adamǵa jetti.
Sondai-aq Seýlde virýs juqtyrǵan 11 jańa jaǵdai týraly habarlandy.
