Ońtústik Koreia elinde qazaqstandyq qyz asylyp qaldy. Bul aqparatty QR Syrtqy ister ministrligi baspasóz qyzmetiniń jetekshisi Nurbek Almashev rastady, dep habarlaidy QazAqparat.
«2020 jyldyń 16 qańtarynda Ońtústik Koreianyń Ansan qalasynda, óz páterinde Qazaqstan azamatshasynyń múrdesi tabyldy. Qala politsiiasynan kelip túsken aqparatqa sáikes, ol jýynatyn bólmede asylyp qalǵan», - dedi Nurbek Almashev.
Onyń atap ótýinshe, qazirgi ýaqytta tergeý amaldary men sot-meditsinalyq saraptama júrgizilýde. Ońtústik Koreiadaǵy Qazaqstan Elshiliginiń konsýldyq bólimi qaza tapqan qyzdyń týystaryna qajetti barlyq konsýldyq-quqyqtyq kómek kórsetip jatyr.
