Foto: wallpaperscraft.ru
Ońtústikkoreialyq BAQ turǵyn úi kesheniniń 18-qabatynan qulap ketken qazaqstandyq azamattyń qaitys bolǵanyn habarlady, - dep jazady Tengritravel.kz portaly.
47 jastaǵy A. esimdi azamat Kimhe qalasynyń Kvandon aýdanyndaǵy 18-qabattaǵy páterdiń tóbesine boiaý jumystary úshin qorǵanys jolaǵyn ornatyp jatqany anyqtaldy.
Boljam boiynsha, ol qaýipsizdik jolaǵyn ornatý kezinde shalynyp, qulap ketken. Qazaqstandyq azamat oqiǵadan keiin birden aýrýhanaǵa jetkizilgenimen, dárigerler ony aman alyp qala almaǵan.
Buqaralyq aqparat quraldary málimetinshe, Qazaqstan azamaty elde zańsyz jumys istep júrgen bolýy múmkin. Onymen birge 50-ge jýyq adam jumys isteidi.
Koreianyń Eńbek ministrligi jazataiym oqiǵanyń mán-jaiyn, sonyń ishinde "Eńbekti qorǵaý jáne qaýipsizdik týraly" zańnyń buzylýyn, al politsiia jumys ornyndaǵy jazataiym adam ólimi faktisin tekserip jatyr.
