Ońtústik Koreiada 35 myń Qazaqstan azamaty bar. Bul týraly QR Syrtqy ister ministrliginiń resmi ókili Aibek Smadiiarov brifingte aitty, dep habarlaidy "Ult aqparat".
«Búgingi tańda Ońtústik Koreiada 35 myń Qazaqstan azamaty bar. Onyń ishinde zańsyz turyp jatqany - 12 myń adam. Bizdiń elshiliktegi konsýldyq esepte bar bolǵany 848 adam bar. Azamattarymyzdyń kóbiniń osyndai áreketke barýy ózderine qiyn. Tótenshe jaǵdai bolǵan jaǵdaida ol eldiń qai jerinde turyp jatqanyn bilmesek, qalai izdep tabamyz?», - deidi Aibek Smadiiarov.
Sonymen qatar, QR SIM Qazaqstan azamattaryna konsýldyqqa habarlasýlary kerek ekenderin aitty.
«Zańdy jáne zańsyz júrgenine qaramai, bizdiń elshiliktiń konsýldyq bólimine habarlasýlaryńyzdy suraimyz. Bul kóp ýaqyt almaidy jáne tegin. Bizdiń konsýl kún saiyn, úzilissiz adam qabyldaidy», - deidi ol.
Buǵan deiin aitylyp ketkendei, qazirgi ýaqytta Ońtústik Koreiada infektsiia juqtyrǵandar sany 1 595 adamǵa jetti. Sondai-aq, birinshi naýryzdan bastap koronavirýsqa bailanysty Qazaqstan Ońtústik Koreiaǵa baratyn áýe reisiniń sanyn qysqartady.
