Álemdegi bala týý kórsetkishiniń eń tómengi deńgeii - burynǵysha Ońtústik Koreiada, esesine onyń qart turǵyndar sany jyldam ósýde, dep habarlaidy YONHAP agenttigi.
BUU-nyń Halyqty qonystandyrý qorynyń (IýNFPA) esebine sáikes, 2021 jyly eldiń bir áielge shaqqandaǵy jalpy týý koeffitsienti 1,1-di qurap, ótken jylmen salystyrǵanda ózgerissiz qalǵan.
Ońtústik Koreiadaǵy bul kórsetkish - barlyq zerttelgen 198 eldiń ishindegi eń tómeni.
«Elde týý deńgeii tómen jáne halyqtyń tez qartaiý protsesi jalǵasýda, 0-14 jas aralyǵyndaǵy halyqtyń úlesi 12,3 paiyzdy qurady, bul Japoniianyń kórsetkishine sáikes keledi jáne álemdik ortasha kórsetkishtiń jartysyna jýyǵyn quraidy, 25,3 paiyzǵa teń», - delingen IýNFPA esebinde.
Jyldyq esep boiynsha, 65 jastan asqan adamdardyń úlesi Ońtústik Koreianyń jalpy halqynyń 16,6 paiyzyn qurady, bul bir jyl burynǵy 15,8 paiyzdan kúrt óskendikti kórsetedi.
Qazirgi ýaqytta Ońtústik Koreiadaǵy halyq sany 51,3 million adam, al Soltústik Koreiada - 25,9 million.
