Qazaqstan men Koreia aqparattyq texnologiialardy damytý, sonyń ishinde "elektrondy úkimet" júiesin nyǵaitý boiynsha ózara áriptestik bailanystaryn iske asyrýǵa kiristi.
Búgin Astanada "elektrondy úkimet" salasyndaǵy Qazaqstan - Koreia yntymaqtastyǵyn damytý boiynsha ashyq seminar bastaldy, dep xabarlaidy QazAqparat tilshisi.
Aita ketken jón, ótken jyly QR Aqparat jáne kommýnikatsiialar Dáýren Abaevtyń Pýsan qalasyna jasaǵan sapary barysynda ekijaqty áriptestik týraly memorandýmǵa qol qoiylǵan bolatyn. Atalǵan qujat elektrondy úkimetti damytý máselelerine arnalǵan xalyqaralyq forýmda rásimdelgen. "Búgingi seminar bizdiń alǵashqy sharamyz bolyp sanalady. Biz onymen shektelmeimiz. Elektrondy úkimetti damytý salasyndaǵy áriptestigimizdi odan ári tereńdetetin bolamyz. Búginde Qazaqstandaǵy elektrondy úkimettiń infraqurylymy jasaqtaldy. Onyń bazalyq komponentteri iske qosyldy. Osynyń arqasynda qyzmettiń 700 túri elektrondy nusqada alýǵa bolady. 2012 jyldan beri barlyq litsenziialar tek elektrondy túrde ǵana berilip keledi. Al mobildi úkimet arqyly 80 qyzmetti paidalanýǵa múmkindik bar. Ondai qyzmetterdiń sany jyl saiyn artyp otyrady. Ótken jyly BUU-nyń elektrondy úkimetteri reitingisinde Qazaqstan 193 eldiń ishinde 33-orynǵa kóterildi", - dedi Abaev seminardyń ashylý rásiminde. Qazirdiń ózinde elimizde aqparattyq-kommýnikatsiialyq texnologiialardy damytý jumysy oidaǵydai atqarylyp keledi. Atap aitqanda, barlyq qalalarda 4G texnologiiasy engizildi, xalyqtyń 73 paiyzy internetpen qamtylǵan, al eldiń aqparattyq texnologiialardy igerý kórsetkishi 74 paiyzǵa jetti.
Ministrdiń aitýynsha, búginde "Tsifrly Qazaqstan" baǵdarlamasy aiasynda elektrondy qyzmetterdi barynsha damytyp, xalyqtyń ómirin jeńildetip qana qoimai, ál-aýqatyn da kóterý kózdelgen. Osy oraida Koreia siiaqty aqparattyq texnologiialary ozyq eldermen tyǵyz yntymaqtastyq ornatyp, tájiribe almasqan mańyzdy.
Koreianyń memlekettik basqarý jáne ishki ister vitse-ministri Song Kim Rel óz kezeginde ekijaqty áriptestik bailanystardyń jemisti bolatynyna senim bildirip, aqparattyq texnologiialar arqyly el ekonomikasyn basqarýdy barynsha tiimdi etýge ábden bolatynyn jetkizdi. Onyń aitýynsha, búginde Koreiada xalyqtyń 80 paiyzy elektrondy úkimettiń qyzmetine júginedi. Osy saladaǵy aqparattyq texnologiialardy damytý jaǵynan káris eli úzdik meleketterdiń qataryna kiredi. "Biz aldaǵy 50 jylǵa arnalǵan baǵdarlamany ázirlep jatyrmyz. Koreia "Smart nation", iaǵni "Aqyldy ultty" qalyptastyrýdy kózdeidi. Qazaqstannyń da Ortalyq Aziiada aqparattyq texnologiialardy damytý jaǵynan kósh bastap kele jatqanyn jaqsy bilemiz. Sondyqtan ózara tiimdi áriptestikti damytýǵa ázirmiz", - dedi Kim myrza.
