Foto: depositphotos.com / VictorJiang
Eńbek jáne halyqty áleýmettik qorǵaý ministrliginiń Kóshi-qon komiteti tóraǵasy Asqarbek Ertaev qazaqstandyqtardyń Ońtústik Koreiaǵa tabys tabýǵa qashan jáne qalai bara alatyny týraly egjei-tegjeili aityp berdi, - dep habarlaidy Tengrinews.kz saity.
OKQ-da ótken brifingte Ertaev ministrlik qazir koreialyq tarappen kelissózder júrgizip jatqanyn aitty. Aldyn ala belgili bolǵan málimet boiynsha, Qazaqstan azamattary Ońtústik Koreiaǵa barar aldynda daiyndyqtan ótýi kerek.
"Almatyda ál-Farabi atyndaǵy Qazaq ulttyq ýniversitetiniń testileý ortalyǵynyń bazasynda testileý ortalyǵyn qurý josparlanǵan, bul oqý orny qajetti materialdyq-tehnikalyq baza, oqý kabinetteri, 500 oryndyq zamanaýi kompiýterlik tehnikamen qamtamasyz etilgen. Qazaqstandyqtardy oqytýdy Qonaevtaǵy kópsalaly kolledj bazasynda ótkizý josparlanyp otyr, iaǵni Ońtústik Koreiaǵa keter aldynda daiyndyq júrgiziledi", - dep túsindirdi Ertaev.
Sheneýniktiń aitýynsha, kolledj aýmaǵynda bilim alýshylardyń turýy úshin arnaiy jabdyqtalǵan úi-jai ornalasqan. Talaptardyń biri - meditsinalyq tekserýden ótý. Ol Qonaev aýrýhanasynda ótedi.
Bul jobany júzege asyrý azamattarymyzdyń áleýmettik jáne eńbek quqyqtaryn qorǵaý kepildigimen Ońtústik Koreiada úsh jylǵa deiin zańdy túrde jumys isteýge múmkindik beredi.
"Biz óz usynystarymyzdy Koreia Respýblikasyna jiberdik. Kelesi aptada tehnikalyq kelissózder ótedi. Jalpy algoritm mynadai: bizdiń usynystarymyzdy Koreianyń múddeli organdary qaraidy, osydan keiin bul olardyń rásimi boiynsha jalpy qaraýǵa shyǵarylady jáne Qazaqstan eńbekshilerdi Koreia Respýblikasyna eksporttaityn elderdiń tizbesine engizilýi tiis. Búginde bul júiege barlyǵy 16 el qosylǵan, biz tilek bildirdik, basqalary da. Bir jyl ishinde bul másele sheshilýi kerek dep esepteiik. Naqty merzimderdi atai almaimyn, muny korei tarapy sheshedi, biraq bul baǵyttaǵy jumys jalǵasyp jatyr jáne ministrliktiń erekshe baqylaýynda", - dep tolyqtyrdy Asqarbek Ersaev.
