Ońtústik Qazaqstan oblysyndaǵy aýdan, qalalardyń damýy búkil oblys boiynsha bir kontseptsiia arqyly damý kerek. Jalpy Ońtústik Qazaqstan oblysy - respýblikadaǵy orta ǵasyrlyq qalalardyń bolýy jaǵynan, kólemi jaǵynan, jalǵyz aimaq bolyp tabylady. Bul týraly oblys ákimi Janseiit Túimebaev Ońtústik Qazaqstan oblysy qala qurylysy keńesiniń otyrysynda aitty, dep habarlaidy Ult.kz tilshisi.
Aldaǵy jyldary Ońtústik Qazaqstan oblysynyń tarihy qaita jańǵyrmaq. Rýxani jańǵyrý baǵytyna sáikes týrizmdi damytý jáne tarixty tanytý maqsatynda óńirde, ótken ǵasyrlardy sipattaityn oryndardy qaita jańǵyrtý jumystary júrgiziledi. Memleket basshysynyń rýhani jańǵyrý maqalasynan keiin, ózimizdiń tarihymyzǵa qurmetpen qaraityn kez kelgenin aitqan aimaq basshysy búgingi basqosýdyń maqsaty da osy ekenin jetkizdi.
«Ońtústik Qazaqstan oblysy - Elbasynyń «Bolashaqqa baǵdar: rýhani jańǵyrý» baǵdarlamalyq maqalasy boiynsha jáne arhitektýralyq sheshim men jalpy týrizmderdi kóbeitý, tartý kontseptsiiasy boiynsha Ońtústiktiń óziniń bet-beinesi bolýy qajet. Ol qalai bolý kerek? Ár jerde ár túrli bolmaýy kerek. Iaǵni, Ońtústik óńirine kelgende sol orta ǵasyrlyq qazaq dalasynyń, qazaq arhitektýrasynyń, qazaq úileriniń jáne turmysy men ómiriniń iisi shyǵyp turýy tiis. Bul jaǵynan bizde eskertkishter jetkilikti. Endi, bárimiz birlese sol dúnielerdiń tarihi qalpyn buzbai retke keltirý jumystaryna jumyla kirisýimiz kerek», - dedi oblys ákimi J.Túimebaev.
Qazaqstan Respýblikasy Sáýletshiler Odaǵynyń músheleri men qoǵamdyq pikir keńesshileri jáne belgili sáýletshilerdiń basy qosylǵan keńes músheleriniń jiynynda «Eski qalashyq» mádeni ortalyǵyndaǵy «Arbat» jobasy, «Ordabasy» memorialdyq tarihi-mádeni keshenin abattandyrý men Úsh bidiń eskertkishi, «Flagshtok» jobasy, «Qazyǵurt - Keme qalǵan» tarihi - mádeni kesheniniń jobasy syndy 8 arhitektýralyq joba qaraldy.
Májiliste keńes músheleri sáýletshilerdiń usynǵan Ordabasy taýynda ornatylatyn Úsh bidiń eskertkishiniń maketin, týrister kelip tamashalaityndai abattandyrý jumystary boiynsha jobasyn jáne Shymkenttegi eski qala ornynyń aýmaǵynda arheologiialyq park-mýzeii, ashyq aspan astyndaǵy mýzei qurý jobasyn, sonymen birge Qazyǵurt taýyn tarihi-mádeni ortalyqqa ainaldyrý baǵytyndaǵy jobalary men maketin qyzý talqylap, óz usynystaryn bildirdi.
Sonymen qosa, sáýletshiler Shymkent qalasy – 2020 jyly táýelsiz memleketter dostastyǵynyń mádeni ortalyǵy degen ataqqa ie bolǵanyn, sol jyly qalanyń 2000 jyldyq tarihy atalyp ótiletin bolady. Sonymen qatar, Shymkent «Jibek joly» nominatsiiasy boiynsha álemdik mádeni mura tizimine de usynylyp otyrǵanyn aityp, eski qalanyń qundylyqtaryn saqtai otyryp, tarihymyzdy kórsete bilýimiz kerek dep óz sózderin túiindedi.
Aita keteiik, Elbasynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda «Qasietti Qazaqstan» respýblikalyq ortalyǵyna oblystan 104 nysan usynyldy. Qazirgi tańda respýblika boiynsha 100 nysan iriktelinip alynsa, onyń ishine Ońtústik Qazaqstan oblysynan 23 nysan enip otyr. Qalǵan 81 tarihi-mádeni eskertkish jergilikti mańyzy bar qasietti, kieli jerlerdiń tizimine engizilgen.
