Búgin Túrkistan oblysynyń ortalyǵy – Túrkistan qalasynda «Qazaqstan» teleradiokorporatsiiasynyń quramyna kiretin «OŃTÚSTIK» telearnasynyń stýdiiasy habar tarata bastady.
Stýdiia kúndelikti «OŃTÚSTIK» telearnasynyń jańalyqtaryna qosylyp, Túrkistan qalasynyń áleýmettik-ekonomikalyq damý dinamikasy men atqarylǵan sharýalar, oblys aýmaǵyndaǵy ózgeristerdi baiandaidy.
Elbasynyń Túrkistan oblysyn qurý týraly Jarlyǵy shyqqan kúnnen bastap, Túrkistan qalasynda «OŃTÚSTIK» arnasynyń tilshiler qosyny belsendi jumys istep keledi. Stýdiia men tilshiler quramy arnaiy tehnikalyq qural-jabdyqtarmen qamtamasyz etilgen.
Jańa stýdiianyń ashylý saltanatyna Túrkistan oblysynyń ziialy qaýym ókilderi, qalamgerleri men televiziia ardagerleri qatysty. Qazaqstannyń qurmetti jýrnalisti Baidýlla Qonysbek, halyqaralyq «Alash» syilyǵynyń iegeri, jazýshy Marhabat Baiǵut jáne t.b jańa stýdiianyń jumysyna tabys tiledi.
«OŃTÚSTIK» telearnasy 1990 jyldyń 5-qarashasynan beri habar taratyp keledi. Elimizdegi eń iri media qurylym «Qazaqstan» Respýblikalyq teleradiokorporatsiiasynyń filialy. Arna táýligine 18 saǵat habar taratady. «OTAU TV» jer serigi jelisi arqyly Qazaqstan aýmaǵynan bólek, kórshiles Ózbekstan men Qyrǵyzstan, TMD aýmaǵynda kórsetiledi.
Aita keteiik, 2017 jyly korporatsiia kóleminde ótkizilgen keń kólemdi rebrending aiasynda ataýy zaman talabyna sai ózgertilgen arna efiriniń 80 paiyzǵa jýyǵyn óz ónimi quraidy.
