Qazaqstandaǵy onlain ýniversitetterge litsenziia alý mindetteledi. Bul týraly QR Bilim jáne ǵylym ministrliginiń alqa otyrysynda usynyldy, dep habarlaidy QazAqparat.
«Onlain-oqytýdyń talaptaryn ázirlep, onlain-ýniversitetter men tutas onlain oqytýdy litsenziialaý máselesin qolǵa alǵan jón. Sonymen birge, joǵary bilimi bar mamandardy, ásirese pedagogikalyq baǵyttaǵy mamandardy ázirleýdiń kei baǵyttary boiynsha talaptardy qaita qaraý kerek. Jańa ýniversitetterdiń ashylýy «Pedagog mártebesi týraly» zań jobasynda kórsetilgendei, Úkimettiń kelisimimen júrgziliýi tiis», - dedi QR BǴM Bilim jáne ǵylym salasyn baqylaý komitetiniń tóraiymy Gúlzat Kóbenova.
Óz kezeginde QR Bilim jáne ǵylym ministri Ashat Aimaǵambetov onlain ýniversitetterdiń jumysy týraly pikir bildirdi.
«Onlain-oqytý qazirgi zamannyń kórinisi. Qalasaq ta, qalamasaq ta, bul qyzmetti zań júzinde retteýimiz kerek. Muny (Onlain oqytýdy - red.) teriske shyǵaryp otyrǵan joqpyz, kerisinshe osyndai oqý oryndaryna belgili bir talaptar qoiýymyz kerek. Basqa JOO-lar litsenziia alyp, diplom berip jatqanda, qashyqtyqtan oqytatyn JOO-lardyń quqyqtyq aiada jumys istemei-aq diplom berýi durys emes. Barlyǵyna biliktilik talaptary qoiylyp, litsenziia berilýi tiis. Sapa men bilim berý talaptaryna sai kelgender ǵana bilim berýi tiis», - dedi ministr Aimaǵambetov.
