Foto: QR Úkimet baspasóz qyzmeti
50-den astam otandyq kompaniia óz ónimderin Shanhaidaǵy VII Qytai halyqaralyq import kórmesinde usyndy, dep habarlaidy Ult.kz.
Olardyń ishinde jeńil ónerkásip ónimderi, aýyl sharýashylyǵy óndirýshileriniń taýarlary bar. Sondai-aq kelýshilerdiń nazaryna jańa tehnologiialyq ázirlemeler usynyldy.
Saýda jáne integratsiia ministri Arman Shakqaliev kórme qazaqstandyq óndirýshiler qytailyq seriktestermen yntymaqtastyqty nyǵaita alatyn biregei alań sanalatynyn atap ótti. Oǵan jyl saiyn 300 myńǵa jýyq satyp alýshy keledi.
«Biyl biz taýarlarymyzdy «Azyq-túlik jáne aýyl sharýashylyǵy ónimderi» pavilonynda ǵana tanystyrǵan joqpyz, 2 esege ulǵaiyp, 50-den astam qazaqstandyq kompaniialardy ákeldik. Olardyń assortimenti quramyna mai ónimderi, sýsyndar, bal, toqyma, et ónimderi kiredi. Mundaǵy basty jańalyq, biz alǵash ret kommertsiialyq pavilonnan birden onlain satýdy qamtamasyz etemiz. Ulttyq pavilon tsifrlandyrý taqyrybyna baǵyttalǵan. Is júzinde biz Tsifrlyq Jibek jolyn kórsetemiz, tehnologiialyq jetistikterimizdi usynamyz», — dep atap ótti QR saýda jáne integratsiia ministri Arman Shakqaliev.
