Sýret: ashyq derekkóz
Densaýlyq saqtaý ministrligi onkologiialyq jáne onkogematologiialyq dertke shaldyqqan patsientter qajetti preparattarmen ýaqytyly qamtamasyz etiletinin habarlap otyr.
"Dári-dármekti jetkizýdegi kez kelgen úzilisti boldyrmaý úshin vedomstvo preparattardy ýaqytyly qamtýdyń tetigin anyqtady. Eshbir patsient qajetti emsiz qalmaidy. Oblystyq densaýlyq saqtaý basqarmalary men onkologiialyq ortalyqtar jaǵdaiǵa monitoring júrgizedi", - delingen ministrlik taratqan habarlamada.
Patsientterge yńǵaily bolý jáne qajetti aqparatty alý úshin 8 (7172) 570 950 nómiri bar Call-ortalyǵy jumys istep tur. Ortalyqqa qońyraý shalyp, onkologiialyq kómektiń qoljetimdiligi men sapasy máseleleri boiynsha ótinish qaldyrýǵa, onyń ishinde emdeýden jáne kómekten bas tartý jaǵdailary týraly habarlaýǵa bolady.
Aita keteiik, keshe «Qazaqstan halqyna» qoǵamdyq qory onkologiialyq naýqastar tiisti dári-dármekpen qamtylmai qalý qaýpi týraly habarlaǵan edi.
Qordyń baspasóz qyzmeti taratqan málimetke sai, 2023 jylǵy qarashadan bastap bekitilgen «2023-2027 jyldarǵa arnalǵan onkologiialyq aýrýlarmen kúres jónindegi keshendi jospar» sheńberinde onkologiialyq jáne onkogematologiialyq aýrýlary bar azamattardy tegin meditsinalyq kómektiń kepildik berilgen kólemine (TMKKK) engizilgenge deiin 15 zamanaýi nysanaly dári-dármek preparattarmen qamtamasyz etý júzege asyrylady.
