Azamattyq ister jónindegi kassatsiialyq sot 4,5 million teńge qaryzy bar qazaqstandyq áielge qatysty sot bankrottyǵy rásimin qoldanyp, ony bankrot dep tanydy, dep habarlaidy ult.kz.
Is materialdaryna sáikes, ótinish berýshi II toptaǵy múgedek jáne onkologiialyq dertke shaldyqqan. Onyń jalǵyz tabys kózi – múgedektik boiynsha alatyn memlekettik járdemaqy.
Buǵan deiin birinshi jáne apelliatsiialyq satydaǵy sottar áieldiń jaýapkershiligi shekteýli seriktestiktiń (JShS) jarǵylyq kapitalyndaǵy 25,9 paiyzdyq úlesine súienip, bankrottyq rásimin qoldanýdan bas tartqan.
Alaida kassatsiialyq sot bul ustanymmen kelispedi. Sot anyqtaǵandai, atalǵan seriktestik eki jyldan astam ýaqyttan beri is júzinde jumys istemeidi, al onyń barlyq múlkiniń quny nebári 103 myń teńge. Ótinish berýshiniń úlesi 26 677 teńgege baǵalanǵan, bul onyń 4,5 million teńge kólemindegi qaryzyn óteýge jetkiliksiz. Sondai-aq áiel bul úlesten eshqandai tabys almaidy.
Kassatsiialyq sot zańdy tulǵadaǵy úlestiń formaldy túrde bolýy azamatqa sot bankrottyǵyn qoldanýdan bas tartýǵa avtomatty negiz bola almaitynyn atap ótti. Mundai jaǵdaida múliktiń naqty naryqtyq quny men boryshkerdiń shynaiy tólem qabilettiligi eskerilýi tiis.
Nátijesinde kassatsiialyq sot tómengi satydaǵy sottardyń sheshimderin joiyp, áielge qatysty sot bankrottyǵy rásimin qoldaný týraly sheshim shyǵardy.
