Respýblikanyń barlyq óńirlerinen kelgen ishki saiasat basqarmalarynyń 70-ten astam qyzmetkeri QR Aqparat jáne qoǵamdyq damý ministrliginiń azamattyq qoǵam isteri komiteti uiymdastyrǵan bilim-praktikalyq baǵdarlamasyna qatysýǵa niet bildirdi.
Seminardyń negizgi maqsaty - kásibi daǵdylardy damytý jáne azamattyq qoǵam salasynda tiimdi yntymaqtastyq mehanizmderin ázirleý.
Seminar baǵdarlamasy 4 kúnge josparlanǵan. Birinshi kún - qoǵammen tiimdi kommýnikatsiia boiynsha jumysty uiymdastyrýǵa arnalǵan. Spikerler retinde «Red Point Kazakhstan» Marketingtik kommýnikatsiialar servisiniń negizin qalaýshy jáne bas direktory Ásel Qojaqova jáne QR Aqparat jáne qoǵamdyq damý ministrliginiń shtattan tys keńesshisi Lima Dias sóz sóiledi.
Qatysýshylar seminardyń memlekettik organ qyzmetkerleriniń kásibi jáne praktikalyq daǵdylaryn jetildirýde mańyzy bar ekenin atap ótti.
«Bul óte paidaly aqparattyq seminar boldy. Kommýnikatsiialar - tek press-relizder men beineler ǵana emes. Bul kóp qyrly jáne kúrdeli qatynastar júiesi. Bul týraly spikerler óz sózderinde aityp ketti. Mundai seminarlar tek ishki saiasat basqarmalary úshin ǵana emes, halyqpen ózara qarym - qatynas ornatýy tiis barlyq memlekettik mekemeler úshin de qajet dep sanaimyn», - dedi Qostanai oblysy ishki saiasat basqarmasy basshysynyń orynbasary Dinara Qarymsaqova.
Budan ári «Azamattyq qoǵam institýttarymen (estýshi memleket) tiimdi ózara is-áreket», «Konfliktologiia. Áleýmettik janjaldardy sheshý», «Memlekettik arnaiy tapsyrysty qarjylandyrý mehanizmderi jáne ÚEU úshin granttar» taqyryptary qozǵalatyn bolady.
Spikerler retinde kommýnikatsiia jáne azamattyq qoǵam salasyndaǵy belgili sarapshylar shaqyryldy. Atap aitqanda, «Azamattyq qoǵamdy damytý qaýymdastyǵy» ZTB atqarýshy direktory Djamila Asanova, Qazaqstannyń Azamattyq aliansynyń prezidenti Baný Nurǵazieva, kásibi mediator, konfliktolog Shirin Orazbaeva, «KAMEDA» QQ atqarýshy direktory Mahabbat Espenova jáne «Azamattyq bastamalardy qoldaý ortalyǵy» KEAQ basqarma tóraiymy Batima Mýkina shaqyryldy.
Seminarlar ishki saiasat basqarmalarynyń mamandaryna kommýnikatsiialyq menedjmenttiń, boljaýdyń, ishki saiasi turaqtylyqty qamtamasyz etýdiń jáne áleýmettik-saiasi janjaldardyń aldyn alýdyń, memleket pen azamattyq qoǵamnyń ózara is-qimylynyń teoriialyq jáne praktikalyq sharalarymen tanysýǵa múmkindik beredi.
Esterińizge sala keteiik, onlain-seminar 2020 jyldyń 27-30 qazan aralyǵynda Nur-Sultan, Almaty, Shymkent qalalarynyń jáne oblystardyń óńirlik ishki saiasat basqarmalary qyzmetkerleriniń qatysýymen ótedi.
