Óńirlerdegi áleýmettik-kásipkerlik korporatsiialar turaqtandyrý qorlaryna 35 myń tonna azyq-túlik taýaryn jinap qoiǵan. Bul týraly Saýda jáne integratsiia vitse-ministri Azamat Asqaruly málim etti, dep habarlaidy "Ult aqparat".
«Eginniń jańa túsimi, jemis-jidek pen kókónistiń pisýine bailanysty sút pen et ónimderine suranystyń azaiýy, azyq-túlik taýarlaryn syrtqa shyǵarýǵa tyiym salý – baǵa ósiminiń qarqynyn tómendetýge jol ashty. Bekitilgen qunmen qatar, azyq-túlik baǵasyn ustap turýdyń taǵy bir amaly – «ainalymdy shema» men «turaqtandyrý qorlaryn qurý», oilastyrylǵan logistika men tasymal jelisin tsifrlandyrý bolyp otyr. Saýda jelilerine «Ainalymdy shema» boiynsha jeńildetilgen qaryz berildi. Osy qaryz boiynsha olarǵa áleýmettik mańyzy bar azyq-túlik taýarlarynyń baǵasyn ustap turý mindettemesi júkteldi. Jalpy saýda jelilerine jergilikti biýdjetten 17,42 mlrd teńge bólindi», - dedi Azamat Asqaruly OKQ-da ótken baspasóz máslihatynda.
Onyń aitýynsha, áleýmettik-kásipkerlik korporatsiialar turaqtandyrý qorlaryna 35 myń tonna azyq-túlik taýaryn jinap qoiǵan. Odan bólek turaqtandyrý qorlaryna 7 myń tonna azyq-túlik taýaryn jetkizý boiynsha kelisim jasalǵan.
