QR Ishki ister ministrligi Úkimet janyndaǵy Jasóspirimder isi jáne olardyń quqyqtaryn qorǵaý jónindegi vedomstvoaralyq komissiianyń otyrysyn shuǵyl shaqyrýǵa bastamashylyq jasady, dep habarlaidy "Ult aqparat".
«Elimizdiń qylmystyq zańnamasyna sáikes, aýyrlyq týdyratyn jaǵdaida jasalǵan buzaqylyq úshin 14 jasqa tolǵan tulǵa qylmystyq jaýapkershilikke (QR QK-niń 293-baby 2-inshi jáne 3-tarmaǵy) tartylady. Jasóspirimder toptasyp ózderiniń qurdastaryna qatysty quqyqqa qaishy áreket jasaǵan kezde dál osy bap boiynsha qylmystyq óndiris ashylady. Osyǵan bailanysty ata-analardy, oqý oryndarynyń ustazdaryn jasóspirimder arasyndaǵy qylmystyń aldyn alý maqsatynda balalarǵa qylmystyq jaýapkershilikke tartylatyn jasqa jetkendigi týraly aldyn ala eskertip, oilanbai istelgen árekettiń sońy nege ákep soǵatyn aitýǵa shaqyramyz», - dedi QR IIM Ishki jáne syrtqy kommýnikatsiialar departamentiniń direktory Almas Sadýbaev.
Onyń atap ótýinshe, mektep jyldarynda ańdamai jasalǵan árekettiń sońy jasóspirimniń búkil ómirine tańba túsirýi múmkin.
«Ishki ister ministrligi Túrkistan, Qyzylorda, Qaraǵandy jáne Aqtóbe oblystarynda oryn alǵan jaǵdailardy talqylaý jáne uiymdastyrý-tájiribelik sharalardy ázirleý úshin Bilim jáne ǵylym ministrligine QR Úkimeti janyndaǵy Jasóspirimder isi jáne olardyń quqyqtaryn qorǵaý jónindegi vedomstvoaralyq komissiiasynyń otyrysyn shuǵyl shaqyrý týraly usynys engizdi», - dedi departament basshysy.
Eske salaiyq, sońǵy kúnderi ártúrli óńirde bolǵan oqýshylar arasyndaǵy álimjettik, tóbeleske qatysty videolar jii tarai bastady.
Atap aitqanda, Túrkistan qalasynda qatarlastaryna álimjettik jasaǵan oqýshylar áreketterin videoǵa túsirip, ony áleýmettik jelide taratqan bolatyn.
Qyzylorda qalasynda mektep dárethanasynda oqýshylar qurdastaryn uryp, ony videoǵa túsirgen. Keiin olardyń esimderi anyqtalyp, balalar 5 jylǵa deiin bas bostandyqtarynan aiyrylýy múmkin ekendigi habarlandy.
Aqtóbe oblysynda da oqýshylar arasyndaǵy tóbeles jiilep ketti. Kúni keshe ǵana Shalqar qalasynda jasóspirimder muz aidynynda sózge kelisip, olardyń biri aýrýhanada kóz jumdy. Oǵan deiin taǵy bir oqýshy pyshaq jaraqatymen aýrýhanaǵa túsken edi. Daryndy balalarǵa arnalǵan mektep-internatynda bolǵan tóbelesten keiin de, bir oqýshy pyshaq jaraqatyn aldy. 8-9 synyptarda oqityn uldar aradaǵy máselelerin pyshaqpen sheshpek bolǵan.
Budan bólek, Qaraǵandy oblysynda birqatar jasóspirim pitstseriiada oryn bermegeni úshin qurdastaryn soqqyǵa jyqty. Olardyń esimderi anyqtaldy.
